Expos na Rede
Hoxe inauguramos a sección de arte de cpg. O Faro de Vigo sacou hai algo máis dun mes esta reportaxe sobre a autoexposición dixital. Cita como exemplos destacados o proxecto Alg-a, polo que fala Berio Molina, que a cpg nos é moi querido pola cantidade de sons de avangarda que está subindo e que recollemos en Se descóbresque e en emepegués, Roberto González, pioneiro da autoexposición, Sara Sapetti, o ilustrador Javier Aguilera e Carme Nogueira. Nós engadimos os Aduaneiros sem fronteiras, a sección de FotografÃa d’A Regueifa Plataforma, e o Proxecto Edición.
O certo é que chama a atención a escaseza de propostas de autoexposición dixital, mesmo de páxinas que recollan ligazóns ás daqueles autores que amosan a súa obra a través da Rede. Nomeadamente, as páxinas web dos Museos máis importantes de Galicia son altamente deficitarias neste senso. O Marco apenas ofrece obras para visualizar e o CGAC ten a páxina actualmente en construción. A excepción póñena os ilustradores.
