Fanny e Alexander soben ao seu myspace un adianto do seu disco para saír, Finais dos 70’s, principios dos 90’s. Influencias post-punk para un tema moi bailable e optimista. A face máis solleira daquel cambio de década e tamén de F&A? Haberá que agardar ao disco para velo.

O Cinema seica abandonou a rúa, polo menos o cinema convencional. Non así o cinema documental, o vídeo dixital, etc. O Cineclube de Compostela e a Casa Encantada alíanse para devolver os filmes ás prazas. En xullo, na praza do Pan (tm. de Cervantes).

 As Brigadas de Intervención Rápida George Grosz loita contra a mercantilización da cultura con palabras. E é no marco de denuncia da senteza que o Cineclube de Compostela vén de padecer, que lle dá a razón da forza, máis unha vez, á parte de vil metal que hai en todo produto artístico, e que afoga un chisco máis a propia obra, en vez de favorecela.

Velaquí, en libre descarga, todo o contrario: unha obra artística de gran calidade completamente gratuíta.

Viva a República!

Voltamos (xa temos conexión na casa) e facémolo cunha iniciativa básica para os emepegués, a imaxe. Disque hoxe o que non se ve non existe. Con Komunikando TV existimos un chisco máis.

Noise Project inauguran o noise en galego con estes tres temas en myspace, mentres preparan a súa primeira maqueta. Estreáronse en directo na Alameda de Santiago, no Concerto pola Lingua do Foro da Mocidade, o 16 de maio de 2006. Outro chanzo máis no camiño da normalización lingüística e cultural.

Pois, como anda un enleado con tanta cousa, isto quedou un chisco parado, tamén por un problema de compatibilidade do editor de blogues co meu ordenata do choio (;-)). Pero aquí voltamos. A Regueifa seguen alimentando a nosa fame de música e cultura de balde: Hanom Ausse (Grubi Mércores), Xaquín Rosales (Miradas dende a cuarta dimensión) e o máis recente de Le Glamour Grotesque (Dangerous Club).

Seguiremos a informar.

Logo do risco dunha máis ca probable fusión do concurso da canción galega do verán co das panxoliñas do Nadal, os directivos do-ente(s) decidiron emitir mañá (xoves) á 1:30 da madrugada o programa especial de Apologhit, que se gravara na LP45 de Ordes. O programa, amais dunha iniciativa de normalización cultural e lingüística sen precedentes, estivo dende o comezo comprometido coas Creative Commons: toda a súa música se pode descargar aquí.

Galicia Caníbal, d’Os Resentidos, que podedes baixar aquí, entre outras moitas, ocupa o posto 175 nunha lista de 200 temas que sacou a Rolling Stone para escoller a mellor canción estatal de pop-rock. É o único tema en galego que figura. Eu a estes recomendáballes dar unha voltiña por aquí.